الأحد، 30 نوفمبر 2008

مارسيل خليفة اهلا وسهلا فيك بالشام




مرسيل خليفة الاسم الذي عشنا على اعماله على موسيقاه على عوده
بين ريتا وعيون البندقية كنا نحن معه لخبز امنا وقهوتها كنا نصرخ فلياتي الحصار فنحن صامدون
ها انت تعود مجددا لدمشق لتعيد اياما رائعة للبال
وهذه المرة ستذهب لجمهورك في حمص وحلب واللاذقية فتكون الليلة ليالي والامسية اماسي
نحن بانتظارك مارسيل واهلا بك في دمشق
دمشق التي احتضنت بثلج اول العام فيروز وبشمس الصيف ليالي موسيقى العالم وختمت صيفها بالرحباني العظيم وفتحت خريفها مع شمس الحق لا بد ان تودع عامها الاحتفالي معك
وشكرا للامانة العامة لاحتفالية دمشق عاصمة الثقافة العربية
ولي عودة عند الحفل لاعقب عليه متوقعا انها ستكون ليلة لا تنسى

السبت، 29 نوفمبر 2008

اخوية



في الواقع لم اكن اخطط لنشر هذه التدوينة في هذا الوقت الا ان حالة ما جعلتني اقرر نشرها الان
اخوية موقع سوري انطلق عام 2003 ومنذ انطلاقته تميز عن باقي المواقع السورية بسلاسة لغته وواقعيتها وسقف الحرية المطروح به
اذكر اني كنت ابحث في الانترنت عن بعض المقطوعات الموسيقية واذ بي اجد اخوية واكتشف معها كنزا موسيقيا لا حصر له كان هذا في ايلول 2006 طلب مني التسجيل فسجلت وكان اسمي كنان2006 يومها اكتفيت بالبحث بالموسيقى دون اي مجال اخر وبالصدفة قررت التصفح في باقي الاقسام فوصلت الى المنبر الحر ومع اول موضوع هناك اغلقت الموقع والجهاز وغادرت المقهى هاربا للبيت ففي ذاك الوقت كنت اعتبر الكلام في السلطة من الكبائر الدنيوية
لكن هوسي بالموسيقى جعلني استمر بالدخول دون الكتابة بالمطلق وبعد فترة لم اعد اعثر على هذا الموقع الامر الذي سبب لي حالة من الكآبة وقتها
في صيف 2007 وبينما كنت اتصفح المواقع كعادتي خطر ببالي ان ابحث عن الاخوية وتفاجات حين اكتشفت عودته بل وعودة حسابي فيه
حينها قررت ان احتك بالاعضاء وكان لي ذلك فبدات ودخلت معهم في العاب ومسابقات وملطوشات وعالطاير وهكذا كان على انني كنت اعتبر االمنبر الحر والمجتمع والى حد ما الصالون محرمات لي
شيئا فشيئا بدات اقرا اكثر في الموقع وخطرت ببالي فكرة ان احاور اعضائه وكان ذلك
لم يض على حواراتي مع الاعضاء فترة قليلة الا وقد قفزت لاغدو عضوا معروفا جدا في الموقع بل وتمكنت لاول مرة من كسر الخوف وبدات التقي باعضاء كثر على ارض الواقع
ورغم ذلك بقي المنبر الحر من المحرمات
لكن هذا التابو ما لبث ان انكسر لاغوص في اعماق المنبر الحر ويتحول مشرفه المتقاعد
آنذاك من عدو لدود لصديق رائع وعندها بدات اتعلم الحوار الحقيقي عرفت معنى الوطن والوطنية عرفت الهوية الحقيقية عرفت معنى الحرية والمعارضة الشريفة عرفت معنى العلمانية وكم نحن بحاجة لها عشت مع الاعضاء لحظات السعادة والفرح والسهر حتى الفجر عشت معهم لحظات الالم لفقدان اعضاء شكلوا واعطوا الاخوية وعلمونا الكثير وهم خلف القضبان
انها كضؤ الشمس لا احد يستطيع منعه حجبوه منعوه اعتقلوا واستدعوا وحققوا مع اعضاءه ومازال باقيا وسيبقى

احبهم جميعا بمن فيهم اصدقائي المقربين جدا جدا واصحابي ومن تعاملنا سوية ومن كنا اصدقاء ومن بتنا على قطيعة ستعيدها الايام ومن بتنا على قطيعة لن تعيدها الايام
احبهم جميعا ولا انسى فضلهم واعمالهم الرائعة التي حفرت بقلوب كل الاعضاء ولن تمحى دون ان يبقى الاعضاء انفسهم
اخوية باقية وستبقى باقية وترفع القبعة لكل من قدم وابدع بها في المجتمع والادب والفنون والموسيقى والسياسة والمنبر الحر وحتى السقيفة

رجل من ورق

الخميس، 27 نوفمبر 2008

صالة الانتظار1

احلى شي هون كلنا متساويين يلي بدو يطير ويكمل دراسته وليك هاد وهدوليك لابسين الابيض وطايرين يحجوا وهداك هوي والصبية شكلون رايحين شهر عسل وهي الصبية قاعدة ولا بسة اسود يا بتكون مطلقة او حدا ميت من عيلتها شكله ماحدا مهاجر الا انا وكاني الوحيد يلي عم يعاني من سد الحلق هههه شكلون اخترعوا دوا وماني عرفان اي سيدي عالاقل هونيك ماحدا رح يقلي وين رايح ووين جايي عالاقل بقدر عيش حياتي بس معقول تتحقق المقولة يلي بيوقلها الماغوط: اذا هربنا من الوطن فالوطن لا يهرب منالك سيدي اي خليه المهم اخلص بقا ياترى كيف رح يكون الطقس هونيك؟اول شي رح اعمله رح اشبع رغبتي الطفولية بالكرواسان الاصلي مو هاد الستوك اللي بيجيبوه عنا بس بدي انتبه لانو هنيك ما في حدا ادين منه ويمكن يطلع غالي كتير يعني بدي اتقشف اي اي ورح اتمشى بالشانزيليزيه وطق طق صور قد ما بدي وعيش بهالنعيم يا ابو طريقووووووووووووووووو اي اي رح ضل روح واجي بالترامواي وكمان لا لا لا بدي صير التزم بالمحاضرات لانو هونيك الدكاترة كتير ظراف اي اي يعني ابتداء من 24 تشرين رح كون طالب ملتزم ولطيف وبدي اتعلم كيف كون جنتلمان هونيك يااااااااااااه 6ساعة وبيبدا يوم 20 تشرين وبصير بهالوقت طاير بالجو لك صحي يوم 20 تشرين يوم عيد ميلادييعني بيصير عمري 25 سنة يعني صرلي عم بستنى ليصير عمري 25 سنة 25 سنة 25 سنة يعني 9125 يوم happy birthday to you happy birthday to you happy birthday to you happy birthday to kenano happy birthday to you .شو هالانجاز الحلو؟ شو عملت فيون ؟ ولا شي 25 سنة وانا عم فيق على صوت ابي وهو عم بيبهدلنا وصوت امي وهي عم تحط الفطور وتجهزنا وصوت الاخبار 25 سنة وانا عم روح من المدرسة للجامعة وشغلتي بالحياة اني ادرس وبس وهي شهادة هالقدا ما عملتلي شي 25 سنة وانا مو على لساني الا حاضر تكرم عيونكون متل ما بدكون انتو بتامروا .25 سنة وانا محكوم بقاعدة نفذ ثم اعترض ومامرة اعترضت مشان مايصيروا 25 سنة ويوم خليه هاليوم يكون اول يوم بحياتي يتبع