اخ يا شام ماعدنا نعرفك بنوب
لاعادت الحمرا حمرا ولا المهاجرين مهاجرين الله يرحمك يا مزة وضيعانك يا باب شرقي
صار مكانكون ناس تانيين تماسيح كبار الحارات قلبت مطاعم الحدايق قلبت اوتيلات والبرامكة رح تصير موتيل
والله يا شام وسبقتي نيويورك وصرتي ثامن اغلى مطرح بهالكون بسعر العقارات
يا ترى بكرا وين رح نروح نحنا؟
بدك ياني يا شام احمل شنطتي وارجع لدير الزور ؟ طيب برجع بس لما تصير دير الزور وحماة وحمص وطرطوس وادلب لما يصيروا مدن
لما تصير كهربتون وميتون وصناعاتون وسياحتون اكيد بنبقى
ايمتى اجوا هيدول الناس واحتلوكي ؟ كيف قعدوا بيننا ؟ ليش هيك صار يا شام؟
ما عم بعرف شي
لاتفكري انو ما بدي ياكي تتطوري لا تطوري وصيري احلاهون وبيطلعلك بس لا تتطوري على حساب الاكثرية بالبلد على حساب حزب الاكلين هوا بالارض تذكري برزة والتل وصيدنايا وعين الفيجة كمان تذكري قطنا وخان الشيح وصحنايا
وتكري اخواتك الباقيين يا شام تذكري الدير وحلب والرقة والحسكة ودرعا نحنا كمان فينا نصير
اخ يا بلدنا
هناك تعليق واحد:
لشو صارت المدن غريبة عنا هيك ؟؟
ولا نحنا يلي صرنا غريبين عنها ؟؟
يمكن كان فيها تعطينا شارة إنذار أولي أو حتى تدربنا عى هيك شي، بس يبدو الأمر لا بيدها ولا بيدنا...
كتير حلو الوصف ومحزن
إرسال تعليق